os ‘MARISQUEIROS' están que se relamben. Abriu a campaña da centola e xa se poden comprar na Praza os primeiros exemplares a un prezo bastante razoable. Os 18 euros o quilo que custaron as primeiras pezas animaron a algúns dos consumidores.
Se a campaña é boa, o prezo poderá baixar de forma substancial, roldando os 10 euros o quilo nas próximas semanas. Nos anos nos que hai exemplares en cantidade, a venda nestas datas dispárase. é o momento perfecto para comprar e conxelar: as pezas están cheas de carne e o prezo é imbatible.
O marisco é un dos produtos máis sensibles á proximidade do Nadal. A medida que se achega, o seu prezo tende a subir e os que queren compralo fresco nas datas sinaladas enfróntanse ao feito de ter que pagar ao redor de 30 euros o quilo.
Os que desexen aforrar e opten por compralo xa deben ter en conta que, aínda que non é imprescindible, moitos expertos recomendan conxelalo cocido.
Despois, no momento de consumir, pódese servir para comer así ou ben utilizar a carne para algún preparado, desde ensaladas ata arroz. A pesar da súa versatilidade, adoita tomarse sen máis, polo menos durante as festas.
Un quilo, 18 euros
Coles de Bruxelas para acompañar a caza As coles de Bruxelas, que chegan fundamentalmente da Rioxa, son perfectas como guarnición da caza ou de pezas de carne vermella. Véndense a 2,40 o quilo. |
||
Queixo inglés con mango e papaia Os amantes de sabores novos poden animarse cos queixos ingleses con mango e papaia, albaricoque ou arándanos. Comercialízanse a 35 euros o quilo. |
CARNIZARÍA | HORTALIZAS | |||
= Petisco moruno | 9 | ↓ Tomate | 1,80 | |
= Orella | 5,50 | = Leituga | 0,70 | |
= á de pito | 3,50 | = Pemento | 2,25 | |
= Rabo de porco | 5 | = Uvas | 3,25 | |
PEIXARÍA | FROITARÍA | |||
= Abadexo | 9,90 | = Mazá | 1,50 | |
= Cabra | 9,90 | = Laranxa | 1,50 | |
= Robaliza | 18,90 | = Plátano | 2,10 | |
= Lura | 15,90 | = Uvas | 2,25 | |
(Prezos no mercado de Lugo) |