Unha trintena de directores de departamento da USC asinaron un manifesto no que piden que tanto o equipo de goberno, como o Consello de Goberno e o Consello Social defendan a autonomía universitaria na aprobación de orzamento autonómico. O representante dos directores no Consello de Goberno, Gumersindo Feijoo, sinalou que a comunidade universitaria asume que tamén lle teñen que tocar os recortes, pero piden que, polo menos, déixenlles decidir onde hai que aplicalos.
A Xunta esixiu ás tres universidades que leven a cabo unha redución do 5% na masa salarial, porque considera que neste capítulo non se axustaron na mesma medida que o resto da administración. Esa medida aboca ás universidades a despedir a traballadores ou reducir os soldos. Os directores de departamento que asinaron o manifesto piden que sexa a comunidade universitaria quen xestione o orzamento -que se espera que sexa de 218 millóns de euros, 9 millóns menos sobre a primeira previsión-, sen ter que reducir partidas predeterminadas. «O mellor preferimos quedar sen calefacción que recortar en persoal», sinala.
|
Consiga AQUÍ a información completa |
