Mostrar a biografía do patrón da cidade, protagonista dunhas festas que ningún lucense se perde pero que honran a unha figura que poucos coñecen, é o obxectivo da representación ‘De Froilán a San Froilán' que terá lugar o día 4, tras o pregón, na Praza de Santa María, da man da asociación de antigos alumnos da Escola de Artes.
A obra, con libreto de Ignacio Rodeíguez Eguíbar e baixo a dirección de Mercedes Arias e Milucha Caneda, repasa a existencia do santo, a súa vida e obra, por segundo ano, xa que a estrea foi o ano pasado, tamén durante as festas. «A razón de ser da obra é que o 95% da xente de Lugo non coñece verdadeiramente a Froilán e unha obra de teatro é un xeito sinxelo de mostralo. O que se ve enténdese mellor», apunta Eguíbar.