Alí onde a necesidade aprema e as institucións non chegan, entran en xogo as organizacións sociais. é o caso de Cáritas Diocesana de Lugo que, o pasado ano 2013, destinou 1.202.745 euros a axudas a persoas vulnerables e excluídos. Case a metade das súas implicacións, segundo confirma a memoria anual da entidade, destínanse a investimentos en alimentos e axudas nos fogares, 329.552 e 271.459 euros respectivamente. Ademais destas partidas, Cáritas destina parte dos seus ingresos a axuda escolar, vivenda, subministracións, atención sanitaria, bolsas de formación e outras actividades entre os sectores máis vulnerables da sociedade.
O pasado 2013, acudiron ás delegacións de Cáritas na diocese de Lugo un total de 5.690 persoas, un 11 por cento máis que en 2012.
Este xoves, Cáritas fixo un recoñecemento ao labor dos medios de comunicación. Entregóuselles a figura conmemorativa dos cincuenta anos da entidade.
