José Ramón López é promotor dunha comida de veciños do Campo Castelo, que se celebra na praza o día 11.
¿Cantos veciños reuniranse este ano no encontro de veciños de Campo Castelo?
Están apuntados uns cen e calculamos que chegaremos a uns 120. O plan está a piques de pecharse porque temos que pechar xa as previsións de asistencia co restaurante.
¿Este ano reúnense na praza?
Si, a festa farase xunto á fonte, no corazón da praza. A xente propuxo facer a festa no lugar que nos une a todos e o Concello deunos permiso para pór unha carpa.
É un encontro ao que acoden moitas persoas que creceron na praza. ¿Os actuais residentes tamén acoden?
Moitos si que veñen, o mesmo que hai persoas que creceron alí pero que non acoden, porque non gardan o vínculo ou porque xa nunca participaron dese espírito de veciñanza.
¿Acudirá xente que o ano pasado non asistiu?
Algúns quizais si veñn, porque o ano pasado o encontro foi moi entrañable. Reunímonos persoas que, nalgúns casos, non nos vimos en cincuenta anos.
¿Que actos prepararon?
Unha misa na Nova, ás 13.00 horas, e a comida, ás 14.30.