As verbenas teñen a súa parroquia e esta é fiel e entregada, de forma que menudencias como a hora á que dá comezo non afecta á súa presenza e dedicación. Así quedou demostrado onte, na actuación da orquestra Acordes na Praza Maior, ás cinco e media da tarde.
Baixo un sol que aínda quentaba un pouco e nunha praza abarrotada, centos de persoas arrincáronse a marcarse pasodobres ou aplaudir corridos, mentres nas terrazas os que non perdoan o café ao aire libre mentres o outono siga sendo benevolente tomárono acompañado de música pachangueira a fume de carozo. Dous dos observadores desde a barreira foron Orozco e Basadre.
Programa de hoxe
13.00 |
Concerto de Classic Lugo Ensamble na Rúa da Raíña. |
17.00 |
San Froilán Miúdo. Clases de cociña para nenos coa colaboración da Asociación Provincial de Empresarios de Hostalería de Lugo na carpa situada nos xardíns da Deputación. |
18.00 |
Actuación dos alumnos do Conservatorio Profesional de Danza de Lugo na porta de Santiago. |
18.00 |
San Froilán Miúdo. Actuación da compañía Lila Espectáculos: Bestiario Extrafalario na carpa situada nos xardíns da Deputación. |
20.30 |
Verbena coa orquestra Breixa Band na Praza da Milagrosa. |
20.30 |
Concerto do grupo lucense Pastillas Mamut na Praza da Soidade. Tamén estaba prevista a actuación de Arrythmia, pero foi suspendida polo problema de saúde dun dos integrantes da banda. |
21.00 |
Noite de foliada coa banda da Casa das Crechas e invitados na Praza de Santa María. |