O salón rexio do Círculo das Artes de Lugo podería acoller banquetes nupciais a partir do ano que vén. Ese é «o compromiso» que adquiriu a súa directiva co restaurador Alberto García, que desde hai cinco meses explota a cafetería desta entidade.
Para poder ofrecer este servizo a proposta debe contar coa aprobación da asemblea de socios do Círculo das Artes. Está previsto que ese visto bo se dea na que se celebrará no próximo mes de decembro.