Conor Woulfe e Peter Michael Rosza demandan a Universal por cinco millóns de dólares (4,4 millóns de euros) por eliminar a Ana de Armas do filme Yesterday de Danny Boyle.
Os denunciantes alugaron a película, estreada en 2019, en Amazon Prime Vídeo por 3,99 dólares (3,52 euros), alegando que o fixeron atraídos pola presenza da hispanocubana Ana de Armas, a quen idolatran e viron como parte da repartición no tráiler.
Acudiron aos tribunais cando comprobaron que o tráiler que ofrecía a plataforma era antigo, e que, logo de montalo, os produtores da película decidiron prescindir da actriz.
"Prometéuselles unha película con Ana de Armas e obtiveron un filme sen rastro da actriz, nada de valor polo que pagaron", versa a denuncia dos dous espectadores.