O xornalista do New Yorker e colaborador da CNN Jeffrey Toobin foi suspendido temporalmente en ambos os medios logo de supostamente masturbarse durante unha videoconferencia con compañeiros de traballo sen darse conta.
Toobin asegurou que foi un accidente, pois pensaba que estaba a participar na chamada de Zoom coa cámara desconectada, algo que non ocorreu e que fixo que varios compañeiros o visen masturbándose, segundo relataron testemuñas CNN.
Segundo Vice, Toobin, analista en temas legais, foi posto en suspensión ata que se investigue o suceso.
O analista de 60 anos, graduado de Dereito na Universidade de Harvard, asegurou a ese medio que cometeu un "erro estúpido e vergoñoso".
A videoconferencia de traballo era unha simulación sobre un evento informativo relacionado coas eleccións do próximo 3 de novembro. Nun momento o analista desentendeuse da reunión e pareceu acceder a outra chamada e foi cando foi observado polos demais compañeiros masturbándose.
