O presentador de televisión Manel Fuentes foi o último en sumarse ao reto proposto pola revista Men's Health: tres meses de duro adestramento e unha estrita dieta cuxo resultado final se mostra na portada da publicación.
Así, o condutor de Tu cara me suena deixou impresionado a máis dun coa súa portada do mes de setembro na revista masculina. Nas fotos pódese ver unha imaxe comparativa do físico do humorista antes de empezar o reto e despois e os cambios no seu corpo son máis que evidentes.
Fuentes non é o primeiro famoso que se somete a esta dieta. Pablo Motos, Christian Gálvez, Roberto Leal ou Frank Blanco foron algúns dos rostros coñecidos que protagonizaron a primeira páxina da popular publicación.