A actriz madrileña Silvia Abascal criticou este xoves que a rede social Instagram elimine unha foto que subiu o mércores da obra As amazonas, do Festival de Teatro de Mérida, na que aparece acompañada doutras intérpretes desta función que levan un peito ao descuberto.
"Eliminaron a foto que subín onte (foto da nosa función teatral), por estar acompañada de Amazonas Guerreiras, que mostran un peito ao descuberto", sinalou na súa conta de Instagram, na que tamén lamenta que, por mor desta eliminación, perdeu as mensaxes de compañeiros, amigos e espectadores.
"Que hipocrisía e pobreza a desta moralidade, que ofenda unha imaxe artística, un peito espido; poderoso e libre", afirma Abascal (Madrid, 1979), que explica que ela, ao interpretar á raíña, lévao cuberto por unha coraza de ouro, pero non o resto das súas compañeiras.
"Non vou poder subir fotografías con elas?", pregúntase a actriz, que engade: "Mulleres, xa sabemos que actitude hai que mostrar para ser respectadas por estas lareiras, cabeza ladeada, morritos, canalillo apertado e cos nosos dous deditos, o símbolo da vitoria". "Vai ser que non. A nosa Vitoria é outra", concluíu.
