Michael Schumacher pasou o pasado Nadal en Mallorca, segundo a revista alemá Bunte e o xornal Bild, que desvelan datos sobre a discreta vida privada do heptacampeón do mundo de Fórmula 1 tras o accidente que sufriu esquiando nos Alpes.
O expiloto celebrou nas illas a súa 50 aniversario, o 3 de xaneiro, nunha propiedade de 15.000 metros cadrados ata onde se desprazou en helicóptero desde a súa residencia habitual en Xenebra.
Segundo estas informacións, Schumacher estivo acompañado da súa familia e do seu can Kalle e foi visto tomando o sol na terraza da mansión abrigado cunha manta. Unha estampa que algúns ven como un bo sinal da súa lenta recuperación.