A onda de furtos en Hollywood continúa. Despois do caso da actriz Lupita Nyong'ou, á que lle roubaron un vestido valorado en 150.000 euros, agora a vítima foi Demi Moore. Ao parecer, os ladróns levaron da casa da protagonista de Ghost pezas de roupa por valor de 200.000 euros.
Segundo publica Page Six, non se coñece a data exacta na que se produciu o furto. Foi un membro do equipo da actriz o que se decatou de que faltaba gran parte do vestiario do seu armario. Agora investígase como os ladróns entraron na casa, xa que non hai sinais de que se forzase ningunha fechadura.
A tarefa de revisar o armario de Demi Moore lévase a cabo cada seis meses, polo que é posible que o roubo se producise hai tempo.
Rouban a Demi Moore prendas por valor de 200.000 dólares
Un membro do seu equipo decatouse do furto ao revisar o seu armario. Descoñécese desde cando falta a roupa
