Rosalía segue batendo marcas e xa é a artista española (tanto na clasificación de homes como de mulleres) con máis streams da historia nas primeiras 48 horas do lanzamento do seu último álbum, Motomami.
A cantante catalá é tamén a artista feminina (tanto española como internacional) máis escoitada en España durante esas primeiras 48 horas nas que Motomami erixiuse en todo un fenómeno musical a nivel mundial, informa Sony Music nun comunicado.
Ademais, con 5,79 millóns de streams nas primeiras 24 horas, este terceiro disco de estudo de Rosalía é segundo mellor debut da historia de Spotify en España, só superado por El último tour del mundo de Bad Bunny, que rozou os 10 millóns.
Tamén é mellor debut español da historia nesta plataforma, superando a C Tangana e o seu álbum O Madrileño, que ata este momento tiña a marca con 5,17 millóns; e o mellor debut, así mesmo, para unha artista feminina que canta en español, impóndose á colombiana Karol G e o seu disco KG0516.
Doutra banda, xa se pode gozar en Youtube do Tik Tok Live co que o pasado xoves presentou todas as cancións de Motomami un día antes da publicación do disco, un show de preto de 30 minutos que xa se pode visualizar de xeito íntegro a través da súa canle.
