Con motivo do 15º aniversario da realización da primeira entrega do talent show Operación Triunfo, TVE e Gestmusic xa se atopan traballando nun especial. Tres documentais e un concerto forman parte do proxecto que prepara a televisión pública. Os preparativos xa comezaron e este domingo os antigos compañeiros reuníronse para compartir un momento de relax e lecer antes de porse ao choio.
Non obsante, tres baixas destacadas embazaron a reunión. Nin David Bisbal, nin Gisela, nin Mireia acudiron ao reencontro. Estas ausencias abriron moitas especulacións, con todo Gestmusic encargouse de pór acougo afirmando na súa conta de Twitter que polo menos Bisbal si estará neste especial. A súa aparición é das máis esperadas, xa que todos os fans esperan o seu reencontro con Chenoa.
Reunión dos primeiros 'triunfitos' con tres baixas
David Bisbal, Gisela e Mireia non asistiron ao reencontro dos participantes da primeira edición de Operación Triunfo
