Pau Gasol e Catherine McDonnell casaron a pasada fin de semana en San Francisco. Aínda que a parella mantivo en segredo a noticia, varias amigas da estadounidense compartiron en redes sociais fotografías da cerimonia.
"Congrats Mr. and Mrs. Gasol" (Felicidades Señor e Señora Gasol), escribiu Stephanie Ferguson na súa conta de Instagram.
Segundo publican varios medios, á cerimonia só asistiron os familiares e amigos máis próximos do xogador da NBA e a executiva californiana, que levan xuntos tres anos.
O catalán pediu matrimonio á súa agora esposa o pasado mes de outubro. "Non hai palabras para expresar o felices e ilusionados que nos sentimos! Díxome que SÍ!!!!! Son moi afortunado de estar prometido a unha muller tan marabillosa e con moitas ganas de gozar da vida xuntos!", escribiu Gasol en Instagram.
