Foi un dos escándalos de famosos máis soados de finais dos 90, a filtración dun vídeo sexual de Pamela Anderson e Tommy Lee. ela, actriz e icona erótica da época, el, estrela do rock en Mötley Crüe, unha das bandas máis salvaxes no escenario e fóra del.
A serie Pam y Tommy, que chega o vindeiro mércores a Disney+, recupera aquel turbulento suceso que deu pé ao primeiro fenómeno viral da historia, cando internet aínda estaba en cueiros, e convérteo no centro dun relato de amor, vinganza e excesos.
Lily James, coñecida pola serie Downton Abbey ou a película Cincenta, Cinderella, de 2015, e Sebastian Stan, The Falcon and the Winter Soldier lograron unha asombrosa transformación física, grazas a un exhaustivo traballo de barbería e maquillaxe e, no caso de James, con prótese e recheos para calcar o voluptuoso corpo da soada C.J. Parker de Os vixiantes da praia.
O terceiro vértice e o máis descoñecido desta historia –a súa versión non saíu á luz ata que Rolling Stone publicou unha reportaxe sobre el en 2014–, sitúase Rand Gauthier (Seth Rogen), un electricista afeccionado ao esoterismo e que fixera os seus primeiros pasos como actor porno antes de traballar na reforma da casa de Tommy Lee.
O baterista de Mötley Crüe despedírao de malos modos e sen pagarlle o diñeiro que lle debía pola obra, pero o verdadeiro detonante da súa meditada vinganza foi que o día en que Gauthier volveu á mansión para recoller as súas ferramentas, o roquero botouno a punta de pistola.
Foi entón cando o seu exempleado urdió o plan para levar a caixa forte da súa casa. O que non podía imaxinar é que dentro, ademais de xoias, armas, diñeiro e un bikini de Pamela Anderson, ía atopar o vídeo da súa lúa de mel.
INTERNET. O vídeo, que acabaría dando a volta ao mundo, era unha gravación privada das súas vacacións, dunha hora de duración, que incluía algunhas escenas sexuais. Gauthier, coa axuda dun produtor porno, usou internet para promocionar a venda de copias de VHS, xa que a retransmisión de vídeo vía web non era aínda unha realidade naquel primeiro momento.
Pam e Tommy non botaron en falta a súa caixa forte ata xaneiro de 1996, cando centos de copias do vídeo circulaban por Estados Unidos. Con axuda de avogados e detectives privados intentaron frear aquilo pero xa era imparable, sobre todo a partir do momento en que un grupo chamado Internet Entertainment Group colgou o vídeo, agora si, en internet.
A serie de Disney espreme con toques de humor, algúns memorables, o morbo que esperta a parella e o rocambolesco da historia e esquiva a parte máis polémica -en 1998 Tommy Lee foi condenado a tres anos de cárcere, por malos tratos á súa muller-, ao centrarse no período máis doce da súa relación.
A serie mostra, iso si, a crise que todo o asunto do vídeo desata na parella e ponse máis seria e empática con Anderson á hora de evidenciar as reaccións sexistas que causou a difusión do vídeo, desde a incomprensión do seu propio marido aos prexuízos contra ela polo seu pasado como modelo de Playboy.
Móstrase a unha Pamela Anderson que loita por ser algo máis que un traseiro en bañador.
Pam y Tommy pon no centro o tema do consentimento e con todo queda no aire unha espiñenta cuestión e é que a serie se rodou sen o visto e prace nin a implicación da parella.
Seguimento
Logo daquela noite e de varias chamadas infrutuosas, Tommy Lee seguiu á exvigialante da praia nunha viaxe de traballo a Cancún e, finalmente logrou quedar con ela. Catro días despois, casaron na localidade mexicana.
