A promotora que leva a cabo a organización dos concertos da xira nacional dos concursantes de Operación Triunfo 2018 anunciou a cancelación dun deles, concretamente o do próximo 15 de agosto no festival ARTS d'Estiu de Pineda de Mar-Santa Susana, por non cubrir o aforamento mínimo.
Así o anunciou a organización do festival en diversas publicacións nas súas Redes Sociais.
Por motivos externos a la organización de ARTS d’Estiu, el concierto Operación Triunfo 2018 queda cancelado. Toda la información en: https://t.co/4b5UFMGQ93 pic.twitter.com/a2ArJaaQdk
— ARTS d'Estiu (@artsdestiu) August 8, 2019
Ademais de lamentar a decisión tanto a promotora como a organización do festival informaron que devolverán o importe íntegro das entradas a través do mesmo método polo que se realizaron os pagos a partir do próximo luns 12 de agosto.
Outros concertos da xira, como os de Granada e Palencia, tiveron que trasladarse a recintos máis pequenos dos planeados nun principio. Unha complicada situación que, en comparación, non viviron os seus compañeiros de concurso da edición anterior -Operación Triunfo 2017-, que conseguiron esgotar as entradas en practicamente todas as datas.
Aínda que os concursantes compartiron o seu descontento a través dos seus perfís na Rede, os organizadores sosteñen que a realización do concerto é "inviable".