Malena Alterio e o galego Javier Gutiérrez visitaron este martes El Hormiguero para presentar a terceira tempada da serie Vergüenza. A temática da serie serviu de escusa a Pablo Motos para pedirlle a Nuria Roca, colaboradora do espazo, que revelase o momento máis bochornoso ou de maior vergoña da súa vida. "Se non o contas ti vouno a contar eu", díxolle Motos, recibindo a desaprobación de Roca, que lle afeou entre risas que a obrigase a relatar o sucedido.
Roca contou entón que, con 13 anos, a súa familia pasou un verán en Cambre, onde ela coñeceu ao seu primeiro noivo. "Paseamos, collémonos da man...", explicou, relatando as típicas anécdotas dun primeiro amor. A cousa torceuse unha tarde, co verán a piques de acabar, cando se bicaba co seu primeiro amor. "Empecei a ter dor de barriga e pensei, se non soa, podería ser unha vaca. Pero soou”, afirmou referíndose á ventosidade que se lle escapou. O peor do sucedido foi, segundo ela, a súa reacción. "Empuxei ao mozo, coma se tivese culpa, e funme correndo", comentou, engadindo que se foi a casa e estivo encerrada en casa dous días sen querer pisar Cambre. Do avergonzada que sentía, non saíu á rúa ata que a súa familia regresou a Valencia.