Ana Peleteiro volveu casar. E non é que atopara un novo amor despois de casar con Benjamín Compaoré a semana pasada, senón que ambos decidiron rubricar o seu vínculo matrimonial a través dunha celebración Masái.
"Casámonos por segunda vez mediante unha celebración Masái. Foi incrible", publicou Peleteiro en Instagram. "E despois preparáronnos unha cea romántica moi bonita e especial", engadiu.
Compaoré e Peleteiro compartireron unha foto na que se vemedallista olímpica vestida para a ocasión.
A cerimonia levou a cabo en Tanzania, onde ambos comparten lúa de mel, e onde seguiron o ritual típico dos Masái. Un dos anciáns da tribo bendixo ao matrimonio, comeron cordeiro e bailaron unha das danzas típicas.
Peleteiro cámbiase de apelido
A atleta contou a través de Instagram que engadiu Compaoré aos seus apelidos, algo típico en Francia. "Cando unha parella casa, a muller adoita cambiar o seu apelido e asume o nome familiar, que adoita ser sempre o apelido do home", asegurou Peleteiro, ao mesmo tempo que recoñece que este costume "non lle gusta".
Por iso, en lugar de eliminar os seus apelidos, sumou o do seu marido aos propios: "A el encantoulle a idea e respectouna en todo momento", indicou.
