O fillo maior de Tina Turner, Craig Raymond Tuner, foi achado morto o pasado martes na súa casa de Studio City (California, EE UU). O corpo do primoxénito da cantante, que tiña 59 anos de idade, presentaba unha ferida de bala e a investigación apunta a un posible suicidio, segundo medios estadounidenses.
A artista tivo o seu primeiro fillo aos 18 anos, froito do seu romance co saxofonista Raymond Hill. O pequeno foi adoptado, posteriormente, polo marido da intérprete, Ike Turner.
A propia Tina confesou hai uns meses o tormentoso matrimonio que viviu xunto a Ike ata a súa separación en 1976. Segundo a cantante, Ike maltratouna física e psicoloxicamente, feitos que marcarían a infancia do seu fillo Craig.
