A galega Miriam Rodríguez debutou como asesora de La Voz, o talent show de Antena 3, e fíxoo da man de Pablo López. A complicidade entre ambos desatou de novo os rumores de que manteñen unha relación de parella, aínda que eles sempre insistiron en que simplemente son amigos.
"Estou infinitamente agradecida", dixo a de Pontedeume con raíces chairegas. "Empatizo moito co outro lado e quizá eles empaticen comigo ao ser unha persoa que hai pouco pasou polo mesmo que eles", engadiu a cantante, que se deu a coñecer hai un ano en Operación Triunfo.