Os españois son os cidadáns máis divertidos de Europa e os segundos na clasificación mundial por detrás dos estadounidenses, segundo un estudo da rede social de contactos Badoo.
Nun comunicado de prensa, Badoo asegurou que os trinta mil usuarios do portal de quince países enquisados consideraron aos alemáns como os "máis aburridos".
As nacionalidades que estes internautas consideraron como máis divertidas por detrás da estadounidense e a española foron a italiana, a brasileira e a francesa, que ocuparon o terceiro, cuarto e quinto posto respectivamente na clasificación mundial. Os cidadáns que os usuarios consideraron como máis aburridos, ademais dos alemáns, foron os rusos e os turcos.
Segundo Badoo, os usuarios británicos incluídos neste estudo responderon, ademais, que os españois son menos "politicamente correctos" que os europeos do norte en cuestións sexuais.
O portal de contactos dixo que ten 118 millóns de persoas rexistradas en todo o mundo e en xaneiro asegurou que conta con seis millóns de usuarios en España
