A cantante e actriz Lady Gaga anulou o seu compromiso con Christian Carino e ambos puxeron fin á súa relación sentimental, informou este xoves a revista People.
Un representante da artista sinalou a esta publicación que a relación "simplemente non funcionaba" e aclarou que Lady Gaga e Christian Carino romperan hai xa un tempo.
A artista comezou a saír co axente de talentos a comezos de 2017.
MOMENTO DOCE. Lady Gaga, de 32 anos, está a pasar por un dos momentos máis doces da súa carreira profesional.
Tras conquistar as listas de pop en todo o mundo durante anos, Lady Gaga brillou recentemente no seu paso ao cine coa cinta A Star is Born (2018), que dirixiu e coprotagonizou Bradley Cooper.
Lady Gaga conta con dous nomeamentos por A Star is Born para os Óscar que se celebrarán este domingo en Los Ángeles (EE UU): un nomeamento na categoría de mellor actriz protagonista e outra no apartado de mellor canción orixinal polo tema Shallow.