"Á miña nai deille todo, ata diñeiro". É o rotundo titular da entrevista que Chabelita concedeu a Lecturas horas antes de entrar en Gran Hermano VIP e que a revista publicou este mércores.
Ao longo de 13 páxinas, a filla da tonadilleira fala sen pelos na lingua cunha das inimigas acérrimas da súa proxenitora, Mila Ximénez, sen esquivar temas tan delicados como a entrada en prisión de Isabel Pantoja, a axuda de Chelo García Cortés para poder manter relacións cando era menor, a súa vida con Julián Muñoz ou as malas relacións co seu tío Agustín. Ao parecer, foi a súa sinceridade nesta entrevista a que motivou que a cantante, tras coñecer un adianto do seu contido, decidise romper o seu silencio e entrase por teléfono en directo en Sálvame para falar do moito que sofre pola súa filla.
"A miña nai fíxome ser insegura", asegura Chabelita noutro momento da charla na que fala sen andrómenas da súa familia, Cantora e os seus amoríos.
