O humorista e actor Millán Salcedo, de 64 anos, pasou a planta tras permanecer ingresado na Uci do Hospital Quirón Sagrado Corazón de Sevilla desde que chegou a ese centro o pasado día 4 por unha crise epiléptica.
Millán Salcedo, que sufriu un problema epiléptico xeneralizado con mordedura de lingua, foi intervido cirurxicamente nese centro hospitalario o pasado día 8, segundo informou este luns o Sagrado Corazón. Os médicos que o atenden completarán o seu tratamento en planta no mesmo centro sanitario, con idea de que poida ser trasladado nos próximos días a Madrid.
Os familiares do artista expresaron o seu agradecemento polas numerosas mostras de afecto por parte de amigos e compañeiros de profesión e pola atención prestada polos medios de comunicación.