A filla de Rocío Jurado e José Ortega Cano, Gloria Camila Ortega Mohedano, estivo este luns en Lugo para participar na gravación dun fragmento do programa Volverte a ver, que emite Telecinco e presenta Carlos Sobera.
O formato do programa pretende recuperar outro do pasado, Hay una cosa que te quiero decir, e cita a varias persoas en nome doutras que os queren sorprender en estudio.
Gloria Camila foi vista cos cámaras encargados de gravar a súa intervención na zona do Parque e a Rúa García Portela, onde entregou a unha muller un sobre citándoa para acudir ao programa. A lucense saberá quen lle quere dar unha sorpresa unha vez que se presente no estudio.
A presenza de Gloria Camila non pasou desapercibida e algúns lucenses compartiron por redes sociais imaxes da moza polas rúas do centro.
