Aos seus 57 anos de idade Eddie Murphy espera ao seu décimo fillo, unha noticia que se desencadeou estes días por mor dunhas fotos nas que se pode ver á súa actual parella, Paige Butcher, nun avanzado estado de xestación.
O vástago, que nacerá previsiblemente no mes de decembro deste mesmo ano, será o segundo que o actor estadounidense teña coa modelo e actriz, de 39 anos.
AMPLA DESCENDENCIA. As fontes próximas a Eddie Murphy coinciden en destacar a boa relación que ten coas súas outros nove fillos. O protagonista de Superdetective en Hollywood mantén un contacto habitual con todos eles, froito de tres relacións distintas.
A Izzy, nacida da unión con Butcher no 2016, únense Eric (29 anos), fillo do actor norteamericano e Paulette McNeely; Bria (28), Miles Mitchell (25), Shayne Audra (23), Zola Ivy (18) e Bella Zahra (16), froito da relación con Nicole Mitchell; Angel Iris (11), cuxa nai é a ex Spice Girls Mel B; e, para rematar, Christian (27), que o intérprete tivo xunto a Tamara Hood.
Mostra da boa relación entre todos eles é a publicación habitual de fotos nas súas respectivas contas de redes sociais.
