A Dirección Xeral de Tráfico (DGT, nas súas siglas orixinais) comunicou ao xogador do FC Barcelona Gerard Piqué que perdera todos os puntos do seu carné e, xa que logo, debía saber que tiña prohibido porse ao volante.
"Sen entrar en detalle direi que consta a notificación persoal a Piqué da perda de puntos", limitouse a dicir o director xeral da DGT, Pere Navarro, preguntado sobre a investigación por un delito contra a seguridade viaria que un xuíz abriu ao futbolista e a petición de que Tráfico aclare se informou o sancionado de que non quedaban puntos.
Navarro dixo que non quería dar máis información sobre ese expediente en concreto, pero si mostrou a súa estrañeza en ton irónico sobre os motivos para que Piqué tivese que conducir. "Estráñame que non vaia cun chofer", chanceou.
Navarro opinou que os personaxes públicos deberían ter "certa ejemplaridad" en como é a seguridade viaria, aínda que resolveu o asunto: "Cada cal sabe o que ten que facer".
