O martes 12 de setembro estreábase en Telecinco o novo programa de Jorge Javier Vázquez, Cuentos chinos, co que Mediaset pretendía competir con El Hormiguero. Con todo, a aposta non está a dar os seus froitos e, tras comezar a aventura cun 9,4% de cota de pantalla, unha semana despois situouse no 6,7%, segundo datos de Kantar.
Este sería un dos motivos polos que Mediaset tería decidido prescindir do espazo este xoves e adiantar a gala de GH Vip ás 21.50 horas.
Tampouco comezou con bo pé o novo programa de Ana Rosa Quintana, na súa estrea nas tardes de Telecinco. TardeAR obtivo no seu debut un discreto 11,3% de share, que superou a Antena 3 pero quedou lonxe do esperado.
