A concursante coruñesa de Masterchef, Teresa, converteu nunha das protagonistas do programa deste martes á Cidade da Cultura. Pero non foi precisamente por unha boa causa.
Os aspirantes do programa tiñan que elaborar unha difícil receita de repostería, unha croquembouche, unha elaboración con profiterois acompañados de caramelo e crema pasteleira. O cociñeiro Paco Torreblanca foi o encargado de presentar a sobremesa, que soamente foron capaces de realizar dous deles, Osiris e Carmen.
Teresa non foi capaz de terminar e entón foi cando dixo: "Puxen a base antes de tempo e entón fixen como unha especie de Cidade da Cultura de Galicia, ¿sabes? Unha obra inacabada".
Recordemos el éxito de @TeresaMChef7 https://t.co/5KB3O2GWnE #MasterChef pic.twitter.com/47b8pMBSTo
— MasterChef (@MasterChef_es) 2 de abril de 2019