Está claro que o encanto das Rías Baixas non pasa desapercibido para ninguén. E as celebridades non son unha excepción. Que llo pregunten a Vicente del Bosque, pois non é a primeira vez que se presenta en Moraña para acudir a unha das misas celebradas no santuario dos Milagres de Amil.
O exseleccionador prendeu no mantón da Virxe unha foto do seu neto e do fillo enfermo duns amigos.
Del Bosque tamén aproveitou a súa visita ao municipio pontevedrés de Moraña para contentar o seu estómago, por suposto. Así o fixo no aperitivo que compartiu o sábado coa alcaldesa, Luisa Piñeiro, e co párroco don Daniel, entre o resto de fregueses e veciños da localidade morañesa.
