Isabel Pantoja podería recuperar a ilusión á beira dun home. Segundo desvelou El Programa de Ana Rosa, trataríase dun individuo coñecido como El Tato, contratado pola tonadilleira para o mantemento da súa leira Cantora.
Mediaset deu máis detalles do novo amor da cantante que, segundo o xornalista Israel López, ten uns 50 anos e xa se atopa integrado na familia Pantoja, de feito, xa coñece á filla menor da artista, Isa. Con todo, parece que non todos os membros do clan aceptarían a El Tato. E é que, segundo o xornalista de Telecinco, o home "é un pouco mullereiro e tivo algúns rozamentos coa lei, cousas menores, como pelexas".
CONTRATO COA SÚA DISCOGRÁFICA. A discográfica coa que traballa a artista, Universal Music, negou a cancelación dun contrato con Isabel Pantoja, tal e como apuntaran algúns medios nos últimos días.
"En relación á información publicada por diferentes medios de comunicación referente á cancelación do contrato de Isabel Pantoja, Universal Music Spain e a propia artista desmenten a noticia, á vez que informan de que dito contrato segue en plena vixencia. Universal Music atópase nestes momentos traballando nos próximos concertos de Isabel Pantoja, dos que se informará puntualmente", aclarou a discográfica a través dun comunicado.
