A influencer estadounidense Bianca Devins foi degolada a pasada fin de semana en Nova York polo seu noivo, que publicou unha fotografía do seu cadáver na rede social Discord. Por encima da imaxe aparecía unha mensaxe sobreescrita: "Síntoo Bianca".
Os feitos ocorreron en Utica, ao norte de Nova York. Segundo asegura a Policía, Devins e a súa parella, Brandon Clark, discutiron o sábado despois de asistir a un concerto. Entón, el matouna cun coitelo e ao día seguinte chamou aos axentes confesando os feitos e dicindo que se ía suicidar.
Cando ía ser detido, Clark apuñalouse a si mesmo no pescozo e achegouse ao cadáver de Devins para facerse un selfie, segundo o relato policial. O mozo foi intervido de urxencia e agora debe responder ante o xuíz.