A casa que Cristiano Ronaldo ten na súa cidade natal de Funchal, en Madeira, foi asaltada na xornada deste mércores por un individuo que subtraeu unha camiseta do Juventus asinada e outros artigos de escaso valor.
Segundo divulgaron algúns medios portugueses, o asaltante coouse polo garaxe, cando un dos empregados da vivenda abriu o portón.
Xa no interior, o presunto autor dos feitos, que xa está identificado, tamén se apoderou dunha gorra de Cristiano.
Ao parecer, o home foi identificado pola Policía de Seguridade Pública (PSP) a través das cámaras de vixilancia da vivenda.
Trátase da casa na que Ronaldo e a súa familia pasan algúns períodos de vacacións e na que o futbolista luso, xunto coa súa parella, Georgina, e os seus fillos estivo confinado durante algunhas semanas a pasada primavera.
