As necrolóxicas levan desde tempos inmemoriais formando parte da prensa local. Estes pequenos espazos, que de entrada están destinados a informar os falecementos dos habitantes dun territorio determinado, pasaron á historia en máis dunha ocasión pola súa orixinalidade. A última en facelo é unha publicada en El Diario Vasco.
Jesús Goikoetxea Aldanondo, alias Azufrito, faleceu en Donosti o pasado sábado. A súa necrolóxica, publicada este domingo, non deixou indiferente a ninguén. "Recibiu onte a chamada do seu xefe Lucifer para coidar as caldeiras", comeza o texto, que pecha cun humorístico "roga aos seus familiares e achegados tómense unha copa de cava ou o que sexa mester na súa memoria".