Coincidindo co inicio das festas de Baamonde, o histórico restaurante Galicia desta localidade do municipio lucense de Begonte, celebra os 50 anos da súa inauguración. E farao cun brinde especial cos que asistan á inauguración das celebracións na honra da Virxe do Rosario. A cita é á medianoite deste venres, día 11, durante a actuación do dúo La Hora Bruja. Tamén está previsto que actúe a orquestra Venezia.
O brinde, no que podería haber algunha sorpresa, estará patrocinado pola familia do recordado hostaleiro Xoán Corral.
As festas de Baamonde, que arrincarán cunha "liscada popular gratuíta" (22 horas), continuarán o sábado 12 coa actuación do Dúo Kalima e a Orquestra Fania Blanco Show. Xa o domingo, día 13, será a quenda da Orquestra Miramar.
