A Xunta de Galicia reitera o seu "firme compromiso" coa visibilización da muller en todas as esferas da sociedade, ademais de recoñecer "o seu liderado e contribución para alcanzar un mundo máis igualitario".
Nunha declaración institucional, con motivo do Día Internacional da Muller que se celebra este luns, 8 de marzo, o Goberno galego asegura que o enfoque de xénero é un dos "alicerces fundamentais" que guía as súas políticas.
"Confiamos en seguir camiñando xuntos, con todas as galegas e galegos, nesta andaina cuxa meta é alcanzar unha sociedade igualitaria e sen discriminacións de ningún tipo porque sen mulleres non hai Galicia", conclúe o texto.
Unha declaración na que a Xunta destaca que no "ano tan complicado" pola crise sanitaria do covid-19 as mulleres galegas "están a desempeñar un papel crucial achegando o seu talento, traballo e liderado en sectores crave".
O Goberno galego engade que é consciente de que "aínda hai un longo camiño por percorrer"
Entre eles, o ámbito sanitario, científico e educativo, pero tamén os servizos sociais, ou a innovación e a dixitalización cun "esforzo conxunto" que implica "un antes e un despois na transformación da sociedade galega" e co que se están sentando as bases para a recuperación" da economía e o benestar tras a crise sanitaria.
Unha crise que puxo de manifesto que moitas das desigualdades "aínda persisten", polo que a Xunta asegura que traballará día a día para conseguir superalas, mellorar a conciliación e alcanzar unha repartición equilibrada das tarefas domésticas, á parte de incrementar a presenza das mulleres en postos directivos.
O Goberno galego engade que é consciente de que "aínda hai un longo camiño por percorrer" e tampouco se pode esquecer o 8-M ás mulleres que perderon a vida "polo feito de ser mulleres", ante o que é necesario pór todos os medios para mellorar a súa seguridade e axudalas, así como dicir "alto e claro NON á violencia de xénero".
Ademais, reclama o compromiso e implicación de toda a sociedade, organizacións e institucións de Galicia para conseguir "a igualdade real e efectiva, superar os estereotipos de xénero" e "corrixir a desigual" que son "obxectivos e prioridades do Goberno galego".
