A Xunta rebaixa os requisitos para ser beneficiario da liña de axudas de 600.000 euros, que se publicará este mes, para a compra de vivendas en case medio centenar de centros históricos.
Deste xeito, elimina a condición de ser menor de 35 anos para acceder á axuda. Con todo, incluirá unha gradación das subvencións en función da idade do solicitante. Os apoios poden ser de ata 15.000 euros no caso de inmobles adquiridos nun Área Rexurbe.
Ademais, amplíase o límite máximo de ingresos a 5,5 veces o IPREM —ata agora eran tres veces—, é dicir, non superar os 41.357 euros ao ano.
Entre os requisitos desta terceira convocatoria da Consellería de Medio Ambiente, Territorio e Vivenda —da que foi informado este xoves o Consello—, atópase tamén ter nacionalidade española ou residencia legal en España. A compra da vivenda debe realizarse a partir do 1 de xaneiro de 2021, mediante contrato privado ou escritura de compravenda.
O beneficiario debe estar empadroado na vivenda adquirida e non posuír outro inmoble. Ten que estar
PRÉSTAMOS PARA REHABILITACIÓN. Por outra banda, o Goberno galego ha aprobado destinar case 200.000 euros para pagar os intereses de préstamos a particulares para a rehabilitación de edificios e vivendas.
Os particulares ou comunidades de propietarios interesados poderán optar a un importe máximo de 60.000 euros a través de créditos exentos de comisións e a tipos de interese máis vantaxosos que os do mercado.
As persoas físicas que resulten beneficiarias poderán pedir unha axuda do Instituto Galego de Vivenda e Solo para o subsidio de ata o 100% dos intereses por un período máximo de catro anos.
