O Goberno galego aprobou este mércores definitivamente o calendario laboral para o próximo ano, de modo que o 19 de marzo, martes, será festivo.
A Xunta adoptou esta decisión despois de que o Consello Galego de Relacións Laborais dese o visto e prace á proposta enviada o pasado mes de setembro.
A iniciativa para declarar festivo o 19 de marzo responde á coincidencia do 8 de decembro, tamén festivo, en domingo.
Ademais do 19 de marzo, o próximo ano serán festivos de carácter autonómico o 25 de xullo (xoves), o 18 de abril (xoves) e o 17 de maio (venres).
As outras oito datas festivas son fixas e comúns para o conxunto de España e, ademais, cada concello pode declarar outros dous días adicionais.