O vicepresidente primeiro da Xunta e conselleiro de Presidencia, Xustiza e Turismo, Alfonso Rueda, avanzou que a próxima semana o Diario Oficial de Galicia (DOG) publicará a orde de axudas, por un total de 1,5 millóns, para acometer obras de mellora paisaxística e embelecemento de recursos do Camiño de Santiago.
Así o anunciou Rueda durante unha visita realizada este sábado á Igrexa de San Xoán de Botos de Lalín (Pontevedra), onde se acometeron distintas actuacións de mellora ao amparo desta liña de subvencións. En concreto, segundo informa a Xunta, a Asociación Cultural San Bartolomeu de Botos foi un dos máis de 100 beneficiarios da última convocatoria e recibiu 10.000 euros para mellorar a contorna deste templo situado na Vía da Prata.
A próxima orde de axudas publicarase esta próxima semana e terá un orzamento de 1,5 millóns, fronte aos 1,2 millóns da anterior convocatoria, co obxectivo de seguir "traballando na mellora dos trazados" neste Xacobeo 2021-22.
Neste contexto, o vicepresidente primeiro destacado o "compromiso" da Xunta para actuar nas rutas, na contorna e nas infraestruturas do Camiño de Santiago e que estea "todo preparado" para os turistas e peregrinos que visiten Galicia cando pase a pandemia da covid-19 e se recupere a mobilidade.
Entre as obras de restauración subvencionadas atópanse elementos etnográficos, vivendas e espazos agrarios, así como traballos de naturalización e embelecemento do trazado. Outros bens que poden optar ás axudas son fontes, lavadoiros, hórreos, valados e peches, entre máis elementos tradicionais.
As axudas financiarán ata
O TEU XACOBEO EN PONTEVEDRA. Por outra banda, a delegada territorial da Xunta en Pontevedra, Luisa Piñeiro, anunciou este sábado que actividades da provincia veranse beneficiadas na segunda edición do programa O Teu Xacobeo.
En total, son sete propostas municipais dos concellos de Cambados, Vilagarcía de Arousa, Silleda, Vila de Cruces, Mondariz, Tui e Oia, ademais de ducias de actos e eventos promovidos por asociacións e empresas en toda a provincia.
Na liña 1 das axudas O Teu Xacobeo, destinadas a entidades locais mancomunidades, consorcios e deputacións, os sete proxectos da área territorial de Pontevedra terán unha investimento conxunto de máis de 92.000 euros. En concreto, son as iniciativas Albariño no Camiño, de Cambados; Os Cesteiros, de Mondariz; Cidade do Libro 2021, de Vilagarcía; Unha ollada ao Camiño Portugués polos
En canto ás liñas 2 e 3, é dicir, as dirixidas as empresas e as entidades sen ánimo de lucro, hai 38 proxectos que afectan a máis dunha provincia (27) ou a toda Galicia (11).