Galicia despedirá xullo con altas temperaturas. Coa vaga de calor aínda no retrovisor, os termómetros volverán subir no último fin de semana do mes. De feito, a Xunta decretou este sábado a alerta amarela en varias zonas de Galicia, en especial nalgúns puntos da provincia de Ourense, onde se alcanzarán temperaturas por encima dos 36 graos.
Esta alerta se estenderá a mais puntos de Galicia o domingo, afectando a toda a zona do litoral pontevedrés.
PREVISIÓN PARA O SÁBADO. Este sábado fortalecerase a influencia anticiclónica na Comunidade, de maneira que, segundo o prognóstico de Meteogalicia, haberá intervalos de nubes baixas no terzo norte, que irán desaparecendo a medida que avance a mañá, e ceo parcialmente nubrado ou despexado no resto.
As temperaturas experimentarán un ascenso, localmente moderado no caso das máximas.
Os ventos soprarán do norte e nordés, máis intensos pola tarde, cando poden alcanzar intervalos fortes na Costa da Morte.