martes. 28.01.2020 |
El tiempo
martes. 28.01.2020
El tiempo

Vox acusa ao PP galego de ter un "discurso nacionalista"

El líder de Vox, Santiago Abascal, tras el Comité Ejecutivo del partido. LUCA PIERGIOVANNI (EFE)
El líder de Vox, Santiago Abascal, tras el Comité Ejecutivo del partido. LUCA PIERGIOVANNI (EFE)

"Equivócaste de inimigo", responde a ourensá Ana Vázquez Blanco

O presidente de Vox, Santiago Abascal, cargou este mércores contra o PP por, ao seu xuízo, entregarse a teses "nacionalistas" en territorios como Galicia, Baleares, Cataluña e Euskadi. "O PP nacional xa non existe", asegurou. 

Nun apuntamento no seu perfil en Twitter, o dirixente de Vox arremete contra os populares por mor de que o PP de Alberto Núñez Feijóo se sumase a unha iniciativa que partiu do BNG para instar o Goberno a negociar o traspaso de todas as competencias pendentes a Galicia. A medida foi aprobada por unanimidade na Cámara galega, onde o PP conta con maioría absoluta. 

Para o líder de Vox, isto evidencia que o PP galego é un partido "con discurso nacionalista" e súmao ás críticas ao PP de Baleares, ao que imputa "perseguir o castelán". 

Pola súa banda, a ourensá Ana Vázquez Blanco, deputada do Grupo Popular no Congreso, afeou ao presidente de Vox as súas críticas e pediulle que deixe de "insultar" e de "dividir" ao electorado: "Equivócaste de inimigo", subliñou. 

Vox acusa ao PP galego de ter un "discurso nacionalista"
Comentarios