O venres a situación meteorolóxica quedará marcada pola inestabilidade provocada pola presenza de aire frío en altura, o que fará que o ceo estea parcialmente nubrado con chuvascos irregularmente repartidos ao longo da xornada e que ocasionalmente poden vir acompañados de saraiba e aparello eléctrico.
As temperaturas mínimas ascenderán lixeiramente, mentres que as máximas descenderán entre moderada e notablemente na metade norte e sen cambios no resto.
Os ventos soprarán frouxos de compoñente norte, con intervalos de moderado no litoral norte.