martes. 22.10.2019 |
El tiempo
martes. 22.10.2019
El tiempo

Valga despide este mércores as súas tres veciñas vítimas do último crime machista

Un home carga cunha coroa de flores durante o velorio das tres mulleres. RAFA FARIÑA
Un home carga cunha coroa de flores durante o velorio das tres mulleres. RAFA FARIÑA
Ata o velorio, que acolleu o auditorio do municipio, achegáronse centos de veciños durante toda a tarde para arroupar á familia das mulleres asasinadas
Valga despide este mércores aos seus tres veciñas vítimas do último crime machista 

O auditorio de Valga recibiu na tarde deste martes os corpos das tres mulleres asasinadas por José Luís Abet. A capela ardente abriuse sobre as 4 da tarde. O goteo de veciños que acudiu a mostrar as súas condolencias aos familiares de Sandra e Alba Boquete Jamardo e de Elena Jamardo non cesou en toda a tarde.

Foron moitos os que quixeron achegarse a arroupar á familia. Alí sucedéronse as escenas de dor. "É un enxame de veciños, todos queren achegarse a apoiar á familia. Estamos consternados", manifestou un edil de Valga ás portas do velorio.

O funeral por Sandra e Alba Boquete e Elena Jamardo terá lugar este mércores ás 18.30 no auditorio de Valga, estará oficiado por Julián Barrio

O funeral polas tres vítimas do asasinato machista que conmocionou a todo o país celebrarase este mércores ás 18.30 horas no mesmo auditorio. Será o arcebispo Julián Barrio o encargado de oficiar a misa. O enterro terá lugar a continuación no cemiterio de Campaña.

Ata o auditorio de Valga tamén se achegaron veciños de Pontecesures, onde traballaba Alba Boquete, excuñada do asasino confeso. Tamén veciños de Vilagarcía onde a moza logopeda colaboraba con Amencer Aspace, así como de Padrón, onde traballaba Sandra, entre outros.

Tamén a comunidade educativa de Valga quixo mostrar a súa dor e consternación ante o triplo crime cunha concentración e un minuto de silencio ás portas do instituto. As bandeiras permanecen a media hasta en Valga, que decretou tres días de loito oficial.

Valga despide este mércores as súas tres veciñas vítimas do último...
Comentarios