O estudo sobre a efectividade das vacinas realizado en Galicia permitiu unha redución do 100 por cen de ingresos en Uci e de falecementos nas persoas inmunizadas. O estudo, en colaboración co Idis —Instituto de Desenvolvemento e Integración Sanitaria—, fíxose sobre 240.000 persoas ás que se lles administrou a vacina na primeira fase deste proceso.
A información foi achegada polo conselleiro de Sanidade, Julio García Comesaña, na súa comparecencia a petición propia no pleno do Parlamento de Galicia, na que tamén indicou que as conclusións finais revelan unha redución das infeccións do 88,4 por cento nas persoas que recibiron a vacina, un descenso do 94 por cento nas hospitalizacións das persoas cunha dose e unha baixada do 95,7 por cento naquelas coa pauta completa.
Ademais, en días pasados, o propio Comesaña informou de que este mesmo estudo demostraba unha diminución da positividad de coronavirus do 47 por cento cunha soa dose, mentres que ascende ao 88 por cento cando foron administradas as dúas.
O estudo é froito da firma dun acordo da Consellería de Sanidade co Idis para elaborar un estudo da efectividade da vacina. Esta institución vincula a Universidade de Santiago de Compostela (USC) coas área sanitarias compostelá e de Lugo, que dependen da propia Xunta.
