O secretario xeral de Unións Agrarias (UU AA), Roberto García, pediu a intervención directa do presidente do Goberno, Pedro Sánchez, para "dar marcha atrás" á decisión de prohibir a caza do lobo, porque se trata dunha "barbaridade" cuestionada por parte do propio Executivo e por aquelas comunidades autónomas onde esta especie realmente ten presenza.
En declaracións a Efe, Roberto García, recordou que o propio Ministerio de Agricultura cuestionou a conveniencia desta norma, que cualifica como "unha aberración política", carente de base "técnica" e apoiada por comunidades "autónomas que nada teñen que ver coa realidade do lobo".
García lamenta que o Goberno tome unha decisión "política" só "desde un punto de vista", sen facer caso ao que teñen agricultores, gandeiros sobre este asunto.
Unha decisión, insistiu, que parte de "afirmación de errónea" desde o "punto de vista técnico", porque naquelas comunidades nas que o lobo verdadeiramente ten presenza, "non hai perigo de extinción" para esta especie.
Recorda que esta medida elimina a ferramenta que, "con todas as súas limitacións", permitía a "xestión" das poboacións de lobos e, consecuentemente, a súa "conservación".
Agora, dixo García, "o problema téñeno os gandeiros, non os lobos", dado que o ano pasado morreron en Galicia "máis de catro mil animais" como consecuencia dos ataques desta especie.
A situación complícase aínda máis, dixo, nas "zonas eminentemente gandeiras, nas que se practica unha gandería extensiva", normalmente para a produción de carne.
O portavoz de UU AA confirmou que organizacións agrarias e outros colectivos foron citados pola Consellería de Medio Ambiente a unha reunión que se celebrará o xoves para analizar esta decisión e as súas consecuencias en Galicia.
