jueves. 25.02.2021 |
El tiempo
jueves. 25.02.2021
El tiempo

Un incendio na Mezquita chega a unha zona incluída dentro da Rede Natura

Un incendio forestal rexistrado de madrugada no municipio ourensán da Mezquita quedou controlado ás 7,30 horas desta mañá tras queimar máis de 32 hectáreas de superficie.

O lume afecta a unha zona incluída dentro da Rede Natura 2000, segundo confirmaron a Efe fontes municipais e dos servizos de extinción.

O alcalde da localidade, o nacionalista Rafael Pérez, explicou que toda a superficie afectada atópase en Rede Natura. En concreto, este lume calcinou preto de 30 "hectáreas de monte baixo, dous ou tres castiñeiros particulares, todo en Rede Natura", nunha zona "que xa ardeu o ano pasado".

O incendio declarado na parroquia de Cádavos, comezou ás 00:47 horas desta madrugada e quedou controlado ás 07:30, segundo precisaron fontes de Medio Rural.

Esta parroquia, situada no sueste do municipio da Mezquita, ten o seu maior parte de superficie comprendida dentro da Rede Natura 2000, e está integrada no espazo catalogado oficialmente como Pena Maseira.

Na páxina web de Medio Rural e do Mar, a Consellería informa de que o lume está controlado aínda que non puido confirmar se o lume entrou en zona protexida.

Segundo as últimas estimacións provisionais, a superficie afectada é de máis de 32 hectáreas de monte raso "pendente de confirmar afectación de superficie na Rede Natura".

Nos traballos de control deste incendio participaron un axente forestal, 8 brigadas, 3 motobombas e unha pa bulldozer.

Un incendio na Mezquita chega a unha zona incluída dentro da Rede...
comentarios