Un incendio calcinou por completo esta madrugada un local nocturno en Tomiño sen que se rexistrasen danos persoais, informaron fontes do 112.
Un particular alertou ao centro de atención de urxencias de Galicia ás 1:51 horas do incendio nun local situado xunto á estrada Tui-A Guarda.
Os bombeiros do parque comarcal do Baixo Miño acharon distintos focos en varios lugares do inmoble, un edificio de tres plantas.
A pesar de que o incendio quedou completamente extinguido e debido ás altas temperaturas que alcanzou a placa do primeiro piso, á primeira hora desta mañá os bombeiros volverán facer comprobacións para evitar que o lume se reavive.
O 112 mobilizou, ademais de os bombeiros, a Urxencias Médicas, que desprazou ao lugar unha ambulancia medicalizada, a Garda Civil, o GES da Guarda e a Protección Civil de Tomiño.
