O empresario galego do sector téxtil Cándido Rodríguez regresou ao seu domicilio de Ourense tras permanecer retido durante case dous anos na cidade chinesa de Xangai, informou hoxe a Efe a súa esposa, Menchu Andrés.
Rodríguez viaxou en xuño de 2011 a China para resolver cuestións relativas ao pago a dous provedores despois de que a súa empresa, Grupo 3 Fashion entrase en proceso de concurso de acredores e explicar o xeito en que pretendía liquidar as débedas contraídas.
O empresario atópase "ben, recuperándose" desde principios de maio na súa casa da cidade de Ourense, comentou a esposa, quen pediu que "deixen pasar uns días" para que decida se quere contar a súa experiencia.
O empresario foi retido en China logo de explicar aos seus provedores os problemas que afrontaba a súa empresa en España e tivo que facer unha serie de trámites burocráticos e legais ata lograr a súa repatriación.
